Argan, É Zeta di Beyesa

Zeta di Argan ta ekstrae for di e nechi di Argania spinosa, ku ta nativo di Morocco. E ta un zeta riku na nutriente benefisioso ku ta inklui ‘fatty acids’ i vitamina E. Zeta di Argan su kalidatnan ta hasi’e masha benefisioso pa nos kueru i kabei.

E palu di Argan ta krese i por soporta e area nan semi desierto ku tin na Mediterraneo. Raís nan ku ta kore dip i e blachinan chiki di e palu di argan ta pone ku e palu por resisti bientu fuerte i skarsedat di awa, ku a resultá den un nechi ku perfil úniko. Pa siglo nan, hende muhenan den Mediterraneo ta usa zeta di argan den nan régimen di beyesa pa nan kueru i kabei lusi vibrante i salú.

Benefisionan di zeta di Argan

Kueru
Zeta di argan ta hopi usá komo un moisturizer pa hidratá i suavisá kueru. Dor di e kontenido altu di e asina yama ‘fatty acid’ i vitamina E, zeta di argan ta ideal pa por ‘boost’ nos kueru di un forma natural. E ta wòrdu apsorbe lihe i no ta fèt ni e no ta irrita e kueru kual ta hasi’e un moisturizer natural.

Kondeshener pa Kabei
A ser probá ku zeta di argan ta hasi kabei mas sòft i briyante. E ta e kondeshener ideal pa kabei i ta yuda trata ‘split end’ i no ta laga e kabei fizz.

Anti-Edat

Argan por laga e kútis lusi mas yòn i ta redusi visibilidat di ploi. Su efekto di anti-oksidante ta hasi’e e produkto ideal pa trata enbehesimentu. E ta restoura elastisidat di e kútis i lage sinti mas sòft. Ta rekomendabel pa maser algun dròp anochi na e kara i garganta prome ku drumi.

Kueru Seku

Hendenan ku tin kueru seku of kondishon nan di èksema tambe por benefisia hopi dor di usa e zeta di argan. E vitamina E i ‘fatty acid’ ta ekselente pa trata kueru i proveé ku nutriente ku ta prevení ku e kueru ta bira mas seku i iritá. Zeta di argan tambe ta kontené ingredientenan ku ta trankilisá e kueru.

Acne

Argan ta yuda kútis afektá i ta promove un kútis sano. Acne mayoria bes ta resultado di un kútis fèt. Teniendo kuenta ku argan no ta un zeta fèt, e ta yuda balansá e kútis dor di ta un moisturizer natural. E kontenido di anti-oksidante den e zeta di argan ta yuda kura e selulanan afekta di e kútis i redusí inflamashon. Aplikando algun dròp despues ku hasi limpiesa i bati esaki seka ku nos dedenan, ta sigurá ku e vògt nesesario i nutriente ta introdusí na un kútis limpi i seku. Dor di maser esaki suave i gentil dos bes pa dia, ta yuda klara acne leve i balansá un kútis fèt of seku.

Embaraso
Stretch marks ta resulta serka hende muhe durante nan embaraso, pero zeta di argan ta ideal komo protekshon kontra di stretch marks. Argan ta alsa elastisidat di e kueru dor di su kontenido di vitamina E. Usando algun dròp pa maser riba pechu, barika i bèl, durante embaraso ta redusí e chens pa desaroyá stretch marks. Tambe e ta ideal pa mantene kueru i kabei sòft, hidrata i radiante durante embaraso.

Pia, Man i Uña
Zeta di argan tambe ta yuda kuida nos uñanan, man seku i e kueru duru di krak na nos pianan. E ta moisturize i suavisa e kueru, lagando man i pia nan suave i uñanan sano i fuerte.

Lip
Nos lipnan masha fasil por bira seku i krak. Argan ta ideal pa mantene nos lipnan suave i dushi.

Koutela i kontra indikashon

Zeta di argan por wòrdu usá seif den su forma puru. Un bòter di argan tin varios kapasidat ku por usa pa tur e benefisionan ariba menshoná. Kòrda si ku personanan ku tin alergia pa nechi mester evitá di usa zeta di argan. Dado kaso bo no tin alergia pa nechi pero bo haña uitslag na momento ku bo usa e zeta di argan, stop di usa esaki.